د بشار الاسد واکمنۍ په چپه کېدو سره په افغانستان کې طالبانو او ګڼو طالب پلوو له تېرو دوو ورځو راهیسې جشنونه نیولي دي.
تېره ورځ په کونړ، لغمان، پکتیا، پکتیکا او خوست او نن بیا په تخار کې هم جشن نیول شوی دی.
دوی د تحریر الشام ډلې بریا د خپلو اډیالوژیکي ملګرو بریا ګڼي او زیاتوي چې هلته هم یو اسلامي نظام واکمن شو.
دا په داسې حال کې ده، چې تحریر الشام ډلې د دمشق تر نیولو وروسته اعلان وکړ، چې د خلکو فردي ازادي ته احترام لري او د هیچا پر لباس او د ژوند پر نورو اړخونو کار نه لري.
