د اوکراین د دفاع وزیر رستم عمروف جنوبي کوریا ته تللی او دواړو لوریو پر امنیتي همکاریو خبرې کړې دي.
د اوکراین ولسمشر ولودمیر زيلینسکي وايي، چې دغه خبرې د روسیې په شمال کې د اوکراین سره د جګړې لپاره د شمالي کوریا د ځواکونو د ځای پر ځای کېدو په اړه وشوې.
زيلینسکي ویلي، چې عمروف د ده په لارښوونه د شمالي کوریا د دخالت په اړه د بحث لپاره جنوبي کوریا ته تللی.
دا په داسې حال کې ده چې څه موده وړاندې اوکراین ادعا وکړه چې د شمالي کوریا ځواکونه اوکراین سره د جګړې لپاره روسیې ته استول شوي دي.
