الجزیرې په یو راپور کې ویلي، چې د اسرائیلو پوځ اعلان کړی چې د لبنان د حزب الله مشر حسن نصرالله پرون په بیروت کې د دوی په برید کې وژل شوی دی.
تر دې مخکې اکسیوس خبري اژانس راپور ورکړی و چې په دې برید کې د لبنان د حزب الله د مشر مرکز په نښه شوی دی.
په همدې حال کې اسرائیلي رسنیو څو ساعته مخکې خبر ورکړ چې د حسن نصرالله لور زینب نصرالله په دغه برید کې وژل شوې ده.
د لبنان حزب الله تر اوسه په رسمي ډول د پلار او لور مړینه نه ده تایید کړې.
بل لورته رویټرز راپور ورکړی و چې حسن نصرالله له دغه بریدونو ژوندی وتلی.
