افغان کرکټ ملي لوبډلې نن په دویمه یو ورځنۍ سیالۍ کې سویلي افریقا ته د ۳۱۲ منډو هدف ورکړ.
دغه لوبه کې افغان لوبډلې د ۵۰ اورونو په لوبولو سره د ۴ ویکټو په زیان ۳۱۱ منډې ترسره کړې.
ددې لوبې پچه افغان لوبډلمشر حشمت الله شهیدي وګټله او د توپوهنې پرېکړه یې وکړه.
دغه سیالۍ کې رحمن الله ګربز په ۱۱۰ توپونو ۱۰۵ منډې؛ ریاض حسن په ۴۵ توپونو ۲۹ منډې؛ رحمت شاه په ۶۶ توپونو ۵۰ منډې؛ محمد نبي په ۱۹ توپونو ۱۳ منډې؛ عظمت الله عمرزي په ۵۰ توپونو ۸۶ منډې؛ او راشد خان په ۱۲ توپونو ۶ منډې وکړې.
د دغه لوبلړۍ لومړۍ لوبه افغانستان د ۶ وېکټو په توپیر ګټلې وه.
