راپورونه وایي، چې د پاکستاني پوځ درې کارکوونکي چې درې واړه ورونه هم دي، د نامعلومه وسله والو له لوري تښتول شوي.
ویل کېږي، چې دغه درې ورونه چې کرنل خالد امیر، اصف امیر او فهد امیر نومېږي، د دیره اسماعیل خان له کلاچې سیمې څخه تښتول شوي دي.
د سرچینو په وینا، دغه درې وروڼه ډیره اسماعیل خان ته د خپل پلار د جنازې لپاره راغلي وو، چې هغه څو ورځې وړاندې وفات شوی و.
راپورونو زیاته کړې، چې دغه درې وروڼو حکومتي دندې ترسره کولې چې کرنل خالد امیر په پوځ کې دنده ترسره کوله، اصف امیر د کینټونمنټ بورډ سره کار کاوه، او فهد امیر په نادرا کې کار کاوه.
تر اوسه ددغې پېښې مسولیت کوم چا په غاړه نه دی اخیستی.
