د پاکستان لومړي وزیر شهباز شریف یو وار بیا تور پورې کړی چې ټي ټي پي پر دوی خپل بریدونه د افغانستان په خاوره کې پلانوي.
هغه دا څرګندونې تېره ورځ د خپلې کابینې غونډې ته کړې دي.
شریف ویلي، تروریستان هیڅ ځای خوندي نه دي او د دوی د له منځه وړلو لپاره به پوځ ته ټول امکانات په واک کې ورکوي.
د یادونې ده چې د پاکستان حکومت تر دې وړاندې هم ورته څرګندونې کړې؛ خو د طالبانو حکومت تل رد کړې دي.
دا په داسې حال کې ده چې وروستیو کې په خیبرپښتونخوا او بلوچستان کې بریدونه زیات شوي دي.
