خیبر پښتونخوا کې د امپوکس ناروغۍ درې نوې پېښې ثبت شوې دي.
د خیبر پښتونخوا چارواکو ویلي، چې دا کسان څه موده وړاندې له متحده عربي اماراتو څخه راستانه شوي وو.
تر دې وړاندې پاکستان کې یوه ښځه پر دغې ناروغۍ اخته شوې وه.
دا یوه خطرناکه ناروغي ده چې اوس د روغتیا نړۍوال سازمان د نړۍ په کچه د دغې ناروغۍ له کبله د بېړنی روغتیايي وضعیت اعلان کړی دی.
د دغه سازمان مسوولینو د یادې ناروغۍ لپاره د واکسین د جوړونې په موخه د یوه کاري پروګرام له جوړولو هم خبر ورکړی دی.
دوی زیاتوي، د روغتیا نړۍوال سازمان د یادې ناروغۍ د راکابو کولو لپاره د واکسین د تولید لپاره د واکسینونو له تولیدي شرکتونو سره اړیکې ټینګې کړې دي.
