د کاناډا د بهرنیو چارو، نړیوالې پراختیا او کډوالو چارو وزیرانو په یوې ګډې اعلامیې کې د افغان نجونو پر وضعیت اندېښنه څرګنده کړې.
دوی ویلي، د طالبانو تر کنټرول لاندې افغانستان کې نجونې پر خپلو کورنو کې زنداني دي.
یادو وزیرانو په یوه ګډه اعلامیه کې د افغانستان د امنیت په اړه هم اندېښنه څرګنده کړې.
اعلامیه کې راغلي چې افغانستان کې ترهګرې ډلې فعالې شوې، چې سیمې او نړۍ ته لوی خطر دی.
دوی دا څرګندونې داسې مهال کوي چې د اسد ۲۴مه واک ته د طالبانو د رسېدو درېیمه کالیزه وه او طالبان لا هم د نجونو د زده کړو موضوع کورنۍ مسئله بولي او د ترهګرو ډلو شتون ردوي.
