د امریکا د فلوریډا ایالت په ټمپا ښار کې د سیتيبانک په انګړ کې د یوه وسلهوال کس په ډزو یوه ښځه وژل شوې او څلور نور کسان ټپیان شوي دي.
د فاکس نیوز د راپور له مخې، بریدګر په موټر کې د بانک انګړ ته ننوتی او لومړی یې یوه ښځه په ډزو وژلې ده.
وروسته د بانک د خوړو خونې ته ننوتی او هلته یې له یوه امنیتي ساتونکي سره ډزې تبادله کړې دي.
د راپور له مخې، د پېښې پر مهال د بانک په انګړ کې شاوخوا ۳ زره او ۲۰۰ کارکوونکي موجود وو.
ځايي چارواکو ویلي، د پېښې په تړاو څېړنې روانې دي، څو د برید انګېزه او د بریدګر د اقدام لامل معلوم شي.
تر اوسه د بریدګر د هویت او د ټپیانو د روغتیايي وضعیت په اړه نور جزئیات نه دي خپاره شوي.
