د امریکا ولسمشر ډونالډ ټرمپ په خپلې ټولنیزې شبکې تروث سوشیال کې د هرمز تنګي یوه نقشه خپره کړې چې پکې د دې مهم سمندري تنګي نوم «د ټرمپ تنګي» ته بدل شوی ښودل شوی دی.
تر اوسه د دې اقدام په اړه د سپینې ماڼۍ رسمي وضاحت نه دی ورکړل شوی، خو دا کار په داسې وخت کې کېږي چې په سیمه کې سیاسي او پوځي ترینګلتیاوې زیاتې شوې دي.
د هرمز تنګی د نړۍ له مهمو ستراتیژیکو لارو څخه ګڼل کېږي، چې د نړیوالو نفتو د لېږد یوه لویه برخه ترې تېرېږي.
