د امریکا ولسمشر ډونالډ ټرمپ اعلان کړی چې د خپل ټیم هغه پلان شوی سفر یې لغوه کړی چې هدف یې په پاکستان کې د ایراني چارواکو سره لیدنه وه.
ټرمپ د فاکس نیوز سره په مرکه کې ویلي، چې د سټیو ویتکاف او جرد کوشنر په ګډون لوړپوړي استازي نور د اوږدې ۱۸ ساعته الوتنې لپاره نه استول کېږي.
هغه په ټینګار سره ویلي: «ټول کارتونه زموږ په لاس کې دي» او زیاته کړې یې ده چې ایران کولای شي هر وخت د امریکا سره اړیکه ونیسي؛ خو واشنګټن به نور د بېپایلې خبرو لپاره ابتکار وانخلي.
