وال سټریټ ژورنال په یو راپور کې ویلي، چې ډونالډ ټرمپ له خپلو سلاکارانو سره د ایران د بیا بمبارۍ احتمال ارزولی؛ خو په پای کې یې پرېکړه کړې چې د فشار تګلاره دوام ومومي.
راپور زیاتوي چې د ټرمپ اداره چمتو ده انتظار وباسي او باور لري چې د “اعظمي فشار” پخوانۍ تګلاره یو ځل بیا اغېزمنه کېدای شي.
د سرچینو په وینا، ټرمپ او د هغه ټیم منځنۍ لاره غوره کړې ده، چې له مخې به یې پر ایران فشار تر هغه دوام وکړي څو تهران یو مشخص وړاندیز وړاندې کړي.
د راپور له مخې، وروسته به د امریکا ولسمشر پرېکړه کوي چې خبرې دوام ومومي او که د ایران پر وړاندې د بریدونو نوې څپه پیل شي.
