د ایران د پارلمان رییس محمد باقر قالیباف ویلي چې هېواد یې د ډونالډ ټرمپ د فشار او محاصرې تر سیوري لاندې له امریکا سره خبرې نه مني.
هغه ادعا کړې چې ټرمپ هڅه کوي د خبرو بهیر د تسلیمۍ پر لوري یوسي او یا د جګړې فضا بیا ګرمه کړي.
په ورته وخت کې د پاکستان د پوځ مشر عاصم منیر امریکایي لوري ته ویلي چې د سمندري محاصرې دوام د مذاکراتو پر وړاندې خنډ جوړوي.
همدارنګه د ایران د ولسمشر مسعود پزشکیان له لوري هم ټینګار شوی چې ایران به د فشار او زور تر اغېز لاندې هېڅ پرېکړه ونه کړي.
