د امریکا ولسمشر ډونالډ ټرمپ له فاکس نیوز سره په مرکه کې ویلي، که ایران هوښیارانه عمل وکړي، نو روان وضعیت به په چټکۍ سره پای ته ورسېږي.
ټرمپ زیاته کړې: «موږ کولی شو د ایران ټولې برېښنايي بټۍ په یوه ساعت کې له منځه یوسو.»
هغه همداراز ویلي، چې د نفتو بیې به بېرته خپلې پخوانۍ کچې ته راستنې شي او ښايي تر هغې هم ټیټې شي.
نوموړي خبرداری ورکړی، که اوس له وضعیت څخه لاس واخستل شي، نو د ایران بیا رغونه به شاوخوا شل کاله وخت ونیسي.
ټرمپ وویل: «موږ لا کار نه دی بشپړ کړی، خو ګورو به چې څه کېږي. زما په اند، هغوی ډېر د یوې موافقې غوښتونکي دي.»
