د ترکیې ولسمشر رجب طیب اردوغان پر اسراییل سختې نېوکې کړي دي.
هغه ویلي چې اسراییل په فلسطین او لبنان کې لوی جنایتونه ترسره کوي.
اردوغان په استانبول کې د یوې نړیوالې غونډې پر مهال ویلي چې اسراییل د ملکي وګړو، ښځو او ماشومانو پر وړاندې بریدونه کوي او نړیوال اصول نه مراعتوي.
هغه دا هم ویلي چې ښايي د اسراییل پر وړاندې پوځي اقدام وشي.
دا څرګندونې په داسې حال کې دي چې په سیمه کې کړکېچ زیات شوی او د فلسطین او لبنان وضعیت لا هم ترینګلی دی.
