د اسراییلو د دفاع وزیر یسرائیل کاتز اعلان کړی، چې د ایران د سپاه پاسداران د بحري ځواک قومندان عليرضا تنگسیري په بندرعباس کې د اسراییلي پوځ په هوايي برید کې وژل شوی دی.
تنگسیري مخکې د امریکا او اروپایي اتحادیې له خوا تحریم شوی و او د هرمز تنګي د بندولو مسؤل هم و.
هغه دوه ورځې وړاندې خبرداری ورکړی و: «موږ په ایران کې د ټولو ټاپوګانو د متجاوزینو قبرونه چمتو کړي دي.»
تر اوسه د ایران حکومت په دې اړه رسمي څرګندونه نه ده کړې.
