د پخواني ولسمشر حامد کرزي د دفتر رییس، عبدالکریم خرم، ویلي چې د نوروز جشن د افغانستان د خلکو یو ښکلی او لرغونی فرهنګي میراث دی.
نوموړي ویلي چې دا جشن د څلورو مشخصو فصلونو د شتون له برکته نمانځل کېږي.
خرم ټولو افغانانو ته د نوي ۱۴۰۵ کال د رارسېدو مبارکي ورکړې او د بختور کیدو هیله یې څرګنده کړې.
د یادونې ده چې تېر کلونه د نوي کال لومړۍ ورځ مزار شریف کې د نوروز جنډې په پورته کولو او جشنونو سره نمانځل کېده؛ خو واک ته د طالبانو حکومت له رسېدو وروسته د دغې جنډې په پورته کولو هم بندیز لګېدلی دی.
