د اروپايي اتحادیې کمیسیون کابل کې د روږدو پر روغتیايي مرکز د پاکستان د وروستي برید په غبرګون کې ټینګار کړی چې هېڅکله باید ملکي تاسیسات، روغتیايي مرکزونه او بېګناه وګړي هدف ونه ګرځول شي، او د ملکي خلکو ساتنه یو اساسي اصل دی.
کمیسیون د پېښې له قربانیانو سره خواخوږي څرګنده کړې او د هغوی له کورنیو سره یې خپله خواشیني شریکه کړې ده.
دغه بنسټ له ښکېلو اړخونو غوښتي چې ژر تر ژره اوربند ته غاړه کېږدي، د بشري حقونو درناوی وکړي او شخړې د خبرو اترو له لارې حل کړي.
دا په داسې حال کې ده چې تېره شپه د پاکستان جیټ الوتکو کابل کې د روږدو پر روغتون برید وکړ چې له ۴۰۰ زیات بستر ناروغان یې ووژل او له ۲۵۰ ډېر نور یې ټپیان کړل.
