جمهوري حکومت کې د دفاع وزارت سرپرست شاه محمود میاخېل ویلي، چې د یوناما له خوا د خواخوږۍ او د نړیوال قانون پر درناوي ټینګار یو مثبت ګام دی، خو دا کافي نه دی.
نوموړي ټینګار کړی چې باید د دې پېښې په اړه یوه خپلواکه او بې پرې څېړنه ترسره شي.
د هغه په وینا، د ملګرو ملتونو یو ټیم باید ژر تر ژره د پېښې ځای ته واستول شي، څو د پېښې کره جزیات ثبت او روښانه شي.
میاخېل زیاته کړې چې د پېښې ځای معلوم دی، چې د یوناما دفتر ته نږدې د پلچرخي په سیمه کې موقعیت لري، او د حقیقت موندنې لپاره پر ځای ارزونه ډېره اړینه ده، څو حساب ورکونه یقیني شي.
