د پخواني ولسمشر حامد کرزي د حکومت ویاند ایمل فیضي د امريکا د مرکزي استخباراتو پر پخوانۍ مامورې سارا ادمز نیوکه کړې او ادعا یې کړې چې هغه د پاکستان د پوځ له دریځونو سره سمې څرګندونې کوي.
ښاغلي فیضي پر خپله ایکسپاڼه لیکلي، چې د ده په باور، د پاکستان له لوري خپرېدونکي رسمي پیغامونه عموماً د دغه هېواد د پوځ د عامه اړیکو ادارې له لوري چمتو او ارزول کېږي.
هغه په طنزي ډول ویلي چې سارا ادمز د پاکستاني پوځ د دریځونو د ملاتړ له امله آن د پاکستان د لوړو دولتي مډالونو مستحقه ده.
نوموړي دا هم زیاته کړې چې د ده په اند یادې مامورې خپل اعتبار ډېر پخوا د پاکستان د پوځ د دریځونو د ملاتړ لپاره قرباني کړی دی.
