په اسلام اباد کې د طالبانو د حکومت پخواني سفیر مولوي عبدالسلام ضعیف د کابل، کندهار او خوست په ځینو سیمو کې د پاکستان د تېرې شپې د بمباریو په اړه توند غبرګون ښودلی دی.
نوموړي ویلي چې د پنجاب د ظالم او مزدور رژیم دغه بریدونه د ملکي او بېګناه خلکو د مرګژوبلې سبب شوي او دا یې یو لوی ظلم، جنایت او بزدلانه عمل بللی دی.
د هغه په وینا، دا پېښه ښيي چې د پنجاب مزدور رژیم په خپلو شومو موخو کې ناکام شوی او د هر افغان دښمن دی.
