د امریکا ولسمشریزو ټاکنو ته نوماندو، کاملاهرېس او ډونالډ ټرمپ په خپله مناظره کې پر یو بل سخت تورنه ولګول.
هرېس تور پورې کړی، چې د ټرمپ په واکمنۍ کې بې کاري زیاته، په بهرنیو توکو تعرفې لوړې، او خپله ټرمپ په جرمنو کې ښکېل انسان پاتې شوی.
ټرمپ بیا له افغانستان څخه د امریکايي ځواکونو د وتلو پر بهیر نیوکه کړې او د بایډن اداره یې ملامته کړې چې دا بهیر یې په سم ډول مدیریت نشو کړی.
د ټرمپ په خبره، بایډن په دغه بهیر کې پاتې راغلي چارواکي یو هم له دندې ګوښه نه کړل.
بل لورته هرېس بیا پر ټرمپ نیوکه کړې چې طالبان یې د امریکا مهم او ارزښت لرونکي کمپ ته وربللي وو.
د یاودنې ده چې تر دې وړاندې ټرمپ او بایډن مناظره کړې وه، خو دا لومړی ځل دی چې ټرمپ او هرېس مناظره کوي.
