د افغان سولې په چارو کې د امریکا د بهرنیو چارو وزارت استازی زلمی خلیلزاد وایي د افغانستان او پاکستان ترمنځ د روانې کشالې اصلي سرچینه ډیورنډ لاین دی.
ښاغلي خلیلزاد د اریانا نیوز سره په خبرو کې د دواړو لوریو څخه وغوښتل چې د معقول سیاست له لارې دې مسلې ته حل لاره وباسي.
نوموړي هغه خلک احساساتیان وبلل چې وایي تر اټک پورې خاوره د افغانستان ملکیت دی.
د امریکا د بهرنیو چارو دغه پخواني چارواکي وویل چې د نړۍ ډیری هیوادونه د اراضۍ ستونزه درلودلې خو د خپلو ګټو په رڼا کې دې ستونزې ته حل لاره موندلې.
