د آلماني رسنیو د راپورونو له مخې، د دغه هېواد فدرالي حکومت له افغانستانه د منل شويو پناه غوښتونکو د انتقال لړۍ بېرته پيلوي.
د “ولت” ورځپاڼې په وینا، دا لړۍ به په راتلونکو ورځو کې د پاکستان له لارې د عادي الوتنو په وسیله پيل شي.
د راپور له مخې، دا پرېکړه د آلماني محکمو د فشار له امله شوې، چې تازه یې د یوه افغان پناه غوښتونکي په ګټه پرېکړه کړې او حکومت ته یې د ویزو نهورکولو په صورت کې د جریمې خبرداری ورکړی.
دا مهال له ۲ زرو زیات افغان پناه غوښتونکي چې د منلو ژمنه یې ترلاسه کړې، په پاکستان کې د انتقال په تمه دي.
