پاکستاني رسنیو د چین ـ پاکستان ګډې سوداګرۍ خونې د سرپرست رییس، ظفر اقبال له قوله راپور ورکړی چې د چین ـ پاکستان اقتصادي دهلیز (CPEC) به د افغانستان لپاره سترې اقتصادي او ترانزیټي آسانتیاوې برابرې کړي.
د هغه په وینا، CPEC به د افغانستان لپاره ځکه د “لوبې بدلون” ثابت شي، چې دا هېواد د سیمې د ترانزیټي سوداګرۍ په وده کې د مرکز په توګه راڅرګندېږي.
اقبال ټینګار کړی چې افغانستان نور تړلی هېواد نه دی، بلکې د CPEC له لارې د منځنۍ آسیا، سویلي آسیا او منځني ختیځ ترمنځ په یوه وصلوونکي سوداګریز دهلیز بدلېږي.
