د رویټرز د راپور له مخې، د اسرایيلو پوځ د غزې د شمالي برخې د تخلیې لپاره چمتووالی نیسي.
چارواکو اعلان کړی چې له نن یکشنبې څخه به د سیمې اوسېدونکو ته خېمې او د لنډمهالي مېشتېدو نور وسایل ورکړي او د غزې سویل ته به یې انتقال پیل کړي.
غزه چې نږدې ۲.۲ میلیونه وګړي لري، د اسرایيلو په خبره د دې لپاره خالي کېږي چې ولسي وګړي خوندي پاتې شي.
په ورته وخت کې د اسرایيلو لومړي وزیر بنیامین نتنیاهو د ټولې غزې د نیولو او لاندې کولو پلان هم پر مخ وړي.
