د طالبانو حکومت لوی درستيز فصيحالدين فطرت د طالبانو د بيا واکمنېدو د څلورمې کليزې په مناسبت په يوه مرکه کې د امريکا د ولسمشر ډونالډ ټرمپ د بګرام هوايي اډې او پوځي نندارې په اړه څرګندونو ته په غبرګون کې هغه «بخيل» وباله.
فطرت ویلي، چې د طالبانو حکومت د ۱۵۰ تر ۲۰۰ زرو سرتېرو پوځ جوړوي چې اوسنی شمېر يې بسنه کوي.
نوموړي ادعا کړې چې امريکا د طالبانو له حکومت ځينې غوښتنې لري؛ خو دوی يې نه عملي کوي او له همدې امله واشنګټن ورته ستونزې جوړوي.
هغه ټينګار کړی چې بګرام هېڅ بهرني هېواد ته نه ورکوي او په دې اړه مذاکرات نه کوي.
راپورونه وايي، امريکا د طالبانو له حکومت غواړي چې د ښځو پر وړاندې خپلې تګلارې او د حکومت جوړښت بدل کړي، خو تر اوسه يې د دوی حکومت په رسميت نه دی پېژندلی.
