سپینې ماڼۍ اعلان کړی چې د جمعې په ورځ د امریکا د ولسمشر ډونالډ ټرمپ او د روسیې د ولسمشر ولادیمیر پوتین ترمنځ په آلاسکا کې ناسته د «اورېدو او ښه درک» لپاره کېږي او د اوکراین د جګړې د ختمولو پر سر د سمدستي موافقې تمه نه کېږي.
د سپینې ماڼۍ ویاندې کارولین لیویت ویلي، په دې ناسته کې یوازې د جګړې یو اړخ حضور لري او موخه یې د جګړې د پای ته رسولو د احتمالي لارو ښه ارزونه ده.
ټرمپ به له پوتین سره یوازې مخامخ خبرې وکړي او ممکن وروسته روسیې ته سفر هم وکړي.
دا ناسته په داسې حال کې کېږي چې ټرمپ مخکې ویلي وو، چې د جګړې د ختمېدو لپاره باید د ځینو سیمو پر ورکړه سلا وکړي؛ خو د اوکراین ولسمشر ولادیمیر زلنسکي دا وړاندیز د خپل اساسي قانون خلاف بللی.
