د امریکا د بهرنیو چارو وزارت د ۲۰۲۴ کال د بشري حقونو په کلني راپور کې ویلي، چې د ملګرو ملتونو د ځانګړي راپور ورکوونکي ریچارډ بېنټ د موندنو له مخې، طالبان ښځې او نجونې په پراخه او سیستماتیکه توګه ځپي، چې دا چارې د ولسي وګړو پر ضد برید بلل کېږي او ښايي «د بشریت پر ضد جنایت» وګڼل شي.
راپور زیاتوي چې د طالبانو له لوري د جګړې اړوند ځینې اعمال د جنګي جنایتونو، د بشریت ضد جنایتونو، یا آن د نسلوژنې په توګه یادېدی شي.
