ملګري ملتونه وایي، پاکستان د قانوني افغان کډوالو د ایستلو لپاره د ټاکل شوې نیټې څخه مخښکې د دوي شړل پیل کړي دي.
ملګري ملتونه وایي پاکستان پلان لري له یو میلیون څخه ډیر افغانان له خپل هیواد څخه وباسي.
د کډوالو لپاره د ملګرو ملتونو عالي کمیشنرۍ وویل چې دوی د پاکستان لخوا د سپتمبر د لومړۍ نیټې څخه مخکې په ټول هیواد کې د قانوني ثبت شویو افغانانو د نیولو او شړلو راپورونه ترلاسه کړي دي.
یونسیار«UNHCR» وویل چې په دې ډول د افغانانو بیرته لیږل د پاکستان د نړیوالو مکلفیتونو څخه ښکاره سرغړونه ده.
یونسیار «UNHCR» له پاکستاني حکومت څخه غوښتنه کړې چې د افغان کډوالو د جبري شړولو مخه ونیسي او د افغانانو د رضاکارانه، تدریجي او باعزته راستنیدو لپاره انساني چلند غوره کړي.”
د پاکستان د کورنیو چارو وزارت یوه چارواکي رویټرز ته ویلي د هغه افغان کډوالو د ایستلو بهیر سمدلاسه پیلږي چې غواړي په خپله خوښه افغانستان ته لاړ شي.
بل لورې د ملګرو ملتونو د کډوالو ادارې ویاند قیصر خان افریدي رویټرز ته ویلي چې د اګست له لومړۍ نیټې څخه تر څلورمې نیټې پورې سلګونه قانوني ثبت شوي افغان کډوال نیول شوي او افغانستان ته شړل شوي دي.
د ملګرو ملتونو د ارقامو له مخې له دوه میلیونو څخه ډیر افغانان پاکستان کې د اوسیدو قانوني کارټونه لري.
