د هندي رسنیو د راپورونو له مخې، د هند د ملي امنیت سلاکار اجیت دووال نن روسیې ته روان شوی.
ټاکل شوې چې په دې سفر کې دواړه هېوادونه د دوه اړخیزو موضوعاتو ترڅنګ د افغانستان پر وضعیت هم خبرې کوي.
راپورونه زیاتوي چې د هند او روسیې ترمنځ د دفاعي او امنیتي همکاریو پراخېدل، د روسیې پر نفتو لګیدلي بندیزونه او د نریندرا مودي او ولادیمیر پوتین راتلونکی لید هم د بحث له مهمو موضوعاتو دي.
دا سفر داسې مهال ترسره کېږي، چې د روسیې له خوا د تېلو پیرودلو په غبرګون کې امریکا پر هندي توکو ۲۵ سلنه تعرفه لوړه کړې ده.
