په بریتانیا کې د کډوالو ملاتړ کوونکو شاوخوا ۵۰ بنسټونو د دغه هېواد کورنیو چارو وزیرې څخه په یو لیک کې غوښتي، چې د برتانوي ځواکونو له افغان همکارانو سره دې د هغوی کورنۍ غړي هم بریتانیا ته ولېږدول شي.
بنسټونو د افشا شویو معلوماتو له امله د یادو کورنیو د ژوند پر وړاندې د جدي ګواښ خبرداری ورکړی.
دوی ویلي، چې دا د حکومت اخلاقي مسوولیت دی، چې د همدغو همکارو کسانو کورنۍ هم په خوندي ډول را وباسي.
بل لورته بیا د طالبانو حکومت تر دې وړاندې ویلي وو، چې دوی هیچاته زیان نه رسوي او لاهم د عمومي عفوې فرمان نافذ دی.
