ملګرو ملتونو کې د افغانستان دایمي استازي نصیر احمد فایق د طالبانو حکومت پر کړنو توندې نیوکې کړي دي.
هغه په خپله د اېکس پاڼه کې لیکلي، چې طالبان د ډول، ډول ظلمونو او فساد ښکار دي؛ خو تر اوسه هېڅ لوړپوړی طالب چارواکی نه دی لیدل شوی، چې شریعت پرې عملي شوی وي.
فایق ویلي، د قانون نشتوالی او د هغه نه پلي کېدل هر نظام د سقوط کندې ته بیايي.
هغه زیاته کړې، که څه هم د پخواني جمهوریت پر مهال هم د قانون له سرغړونو نظام زیانمن شو؛ خو لږ تر لږه قانون، قانوني ادارې او خپلواکې رسنۍ موجودې وې چې دغه سرغړونې یې رسوا کولې.
