په لومړي ځل، د اسراییل دوو مخکښو بشري حقونو بنسټونو، حکومت یې په غزه کې د فلسطینیانو پر ضد د نسلوژنې په تور تورن کړی دی.
د «بتسیلم» سازمان ویلي چې اسراییلي ځواکونو غزه کې ټول بشري حقونه تر پښو لاندې کړي دي.
د بشري حقونو لپاره اسراییلي ډاکټران سازمان هم اسراییل په غزه کې په نسل وژنې تورن کړي دي.
د اسراییل حکومت دا تورونه رد کړي او ویلي یې دي چې دا ادعاوې د بیان د ازادۍ په چوکاټ کې دي، خو حقیقت نه لري.
