د امریکا ولسمشر ډونالډ ټرمپ د اعلان وکړ چې هیواد به یې د ۲۰۲۶ کال د دسمبر له ۳۱مې نېټې څخه د ملګرو ملتونو د کلتوري او تعلیمي ادارې (یونسکو) غړیتوب پرېږدي.
د سپینې ماڼۍ ویاندې کارولین لیویت ویلي، ولسمشر ټرمپ پرېکړه کړې چې امریکا له یونسکو ووځي، ځکه دغه اداره د هغو کلتوري او ټولنیزو موخو ملاتړ کوي چې د امریکا له پالیسي سره په ټکر کې دي.
د امریکا د بهرنیو چارو وزارت هم ویلي چې د یونسکو غړیتوب د هیواد له ملي ګټو سره سمون نه لري.
د وزارت په وینا، له دې ادارې د وتلو یوه لویه وجه د فلسطین د غړیتوب منل او په سازمان کې د زیاتېدونکو ضد اسراییلي شعارونو شتون و.

