د ایران د کورنیو چارو وزارت د کډوالو چارو رییس، نادریار احمدي، ویلي چې د ۱۴۰۳ لمریز کال له پیل څخه د سرطان تر یوولسمې پورې شاوخوا ۷۷۲ زره افغانان بېرته افغانستان ته ستانه شوي دي.
د احمدي په وینا، دغه کسان د دوغارون، میلَک او ماهِیرود د پولو له لارې بېرته ستانه شوي دي.
نوموړي دغه کډوال غیر قانوني بللي دي.
که څه هم ایراني چارواکي وايي چې ډېری مهاجرین داوطلبانه وځي؛ خو د ملګرو ملتونو د کډوالو عالي کمېشنري وايي، تر ۷۰ سلنه ډېر کډوال په زور شړل کېږي.
