د اوکراین ولسمشر ولودیمیر زلنسکي اعلان کړی چې د امریکا له لوري پوځي مرستې، چې څه وخت مخکې ناڅاپه بندې شوې وې، بېرته پيل شوې دي.
زلنسکي ویلي، له امریکا، په ځانګړي ډول د جنرال کیت کلوګ چې د ډونالډ ټرمپ ځانګړی استازی دی، ورسره پوځي همکاري روانه ده.
پخوا پینټاګون د ځینو هوايي دفاعي توغندیو او توپچي ګولیو لېږد درولی و، څو د خپلو وسلو ذخیرې وارزوي.
تر دې وړاندې د امریکا ولسمشر ډونالډ ټرمپ ویلي و، چې غواړي اوکراین ته نور وسلې واستوي.
