د مولانا خانزیب مړینې په لر او بر کې د ټولنیزو رسنیو د کاروونکو او سیاسیونو غبرګونونه راپارولي.
دوی دا کار د پاکستاني ریاست بللی او ویلي یې دي، چې هغوی د پښتنو د سر خلک یو په یو په نښه کوي.
د مشرانو جرګې پخواني رئیس فضل الهادي مسلم یار لیکلي، چې خانزېب یو نه ماتېدونکی، شخصیت او د قام د ازادۍ رسا غږ وو.
بل لورته د پکتیا پخواني والي محمد حلیم فدایي لیکلي، چې هغه استخباراتي اسلام خلکو ته بربنډوو او استخباراتي کړۍ یې د منطق پر وړاندې پاتې راغلې وې.
په همدې حال کې بیا د ننګرهار پخواني والي ضیاءالحق امرخېل لیکلي، چې خانزېب د خپلو خلکو لپاره ځان قرباني کړ.
