د امریکا ولسمشر ډونالډ ټرمپ د افریقايي هېوادونو له پنځو مشرانو سره په لیدنه کې ویلي، چې د امریکا تمرکز له خیریه مرستو څخه سوداګرۍ ته اړول شوی.
ټرمپ ویلي، چې امریکا د چین په پرتله د افریقا لپاره ښه شریک دی.
هغه د ګابن، ګینه بیسائو، لیبريا، موریتانیا او سېنګال له مشرانو سره د اقتصادي فرصتونو په اړه خبرې وکړې.
ټرمپ د افریقا اقتصادي ظرفیت “ستر” وباله او ویې ویل چې دا به اوږدمهاله، پایداره او اغېزمنه لاره وي.
افریقايي مشرانو له ټرمپ ملاتړ کړی، او د سولې د نوبل جایزې لپاره یې نوماند کړی دی.
ټرمپ دغه راز ویلي، تمه لري چې افریقا ته سفر وکړي.
