د بریتانیا حکومت د افغانانو د بیا میشت کېدو برنامه ناڅاپه بنده کړې ده.
دا برنامه هغو افغانانو ته ځانګړې وه چې په افغانستان کې یې د بریتانوي ځواکونو ترڅنګ یې کار کړی و.
د بریتانیا د کورنیو چارو وزارت د نوي مهاجرتي یادښت له مخې، د سې شنبې له غرمې ۳ بجو وروسته نور نوي غوښتنلیکونه نه منل کېږي.
دوی ویلي، چې اوس یوازې هغه افغانان د بریتانیا د منلو وړ دي چې د ۲۰۲۱ د اپرېل له لومړۍ تر ۲۰۲۵ د جولای تر لومړۍ نېټې مخکې یې غوښتنلیکونه ثبت کړې وي.
