د سره صلیب نړیوال فدراسیون له ایرانه افغانستان ته د راستنېدونکو افغانانو د لوړې شمېرې په اړه اندېښنه څرګنده کړې او د نړیوالو مرستو غوښتنه یې کړې ده.
د فدراسیون یوه لوړپوړي پلاوي د دوشنبې په ورځ د اسلامقلعه بندر کې له راستنېدونکو سره کتلي او ویلي یې دي چې دغه کسان له خوړو، اوبو او سرپناه پرته راستانه شوي دي.
د دوی په وینا، یوازې په ۲۰۲۵ کال کې له ایرانه شاوخوا ۸۰۰ زره افغانان راستانه شوي دي.
