د افغان سولې لپاره د امریکا پخواني ځانګړي استازي زلمي خلیلزاد ویلي، سره له دې چې د افغانستان پخواني حکومت د امریکا پراخ ملاتړ درلود، خو په حکومتولۍ، جګړه او خبرو کې یې ښه مدیریت نه درلود، ځکه ناکام شو.
خلیلزاد پر خپله ایکس پاڼه لیکلي چې پخوانی حکومت “فاسد و، د مفسدو خلکو لاس ته لوېدلی و، او یوازې په تبلیغاتو کې ماهر وو.”
نوموړي ټینګار کړی چې دغه حکومت د افغانانو لپاره یو مهم تاریخي فرصت له لاسه ورکړ.
