د امریکا ولسمشر ډونالډ ټرمپ د ایران د اټومي تاسیساتو تر برید وروسته، له خدایه، پوځ او خپلو ملاتړو مننه کړې او د دعا پر مهال یې وویل: «خدایه، زه تاسره مینه لرم.»
ټرمپ زیاته کړه:«زه غواړم له ټولو مننه وکړم، او په ځانګړي ډول له خدایه. یوازې وایم: خدایه، زه تاسره مینه لرم. زه خپل ستر پوځ سره مینه لرم. هغوی وساته. خدایه، منځنی ختیځ وساته. خدایه، اسرائیل وساته. او خدایه، امریکا وساته.»
ټرمپ دا څرګندونې وروسته له هغې وکړې چې د امریکا پوځ د ایران په اصفهان، نطنز او فردو کې د اټومي تاسیساتو د بمبارۍ اعلان وکړ.
