د هنګري لومړي وزیر ویکتور اوربان ویلي، هېواد یې نه غواړي د اوکراین جګړه کې ښکېل شي او نه غواړي “یو نوی افغانستان” یې د دروازې تر څنګ را وټوکېږي.
هغه دا څرګندونې د فرانسې په مونتارجي ښار کې د ښي اړخو محافظهکارو ګوندونو په غونډه کې کړې.
اوربان اروپايي مشران تورن کړي چې خلک د اوکراین جګړې ته هڅوي.
نوموړي ویلي، دا جګړه نه شي ګټل کېدای او یوازې مرګونه لري.
هغه زیاته کړې چې اروپا سولې، اوربند او خبرو ته اړتیا لري، نه جګړې ته.
د نوموړي په وینا، هېواد یې نه غواړي زامن یې د جګړې له ډګره په تابوتونو کې راستانه شي.
اوربان د اروپا د “نظامي اقتصاد” پر لور تګ هم وغانده.
