باچاخان پوهنتون کې له یوې افغانې محصلې څخه د بیرغ اخیستو ویډیو د افغانانو غبرګونونه راپارولي.
د سیاسي چارو شنونکي نجیب ننګیال دې پېښې ته په غبرګون کې لیکلي:«په باچاخان پوهنتون کې، په چارسده کې، د پښتنو په مرکز کې، د یوې مېلمنې محصلې څخه د هغې د وطن بېرغ ښکته کول په ټوله مانا د شرم، بې پښتو او خجالت کار دی.»
ښاغلي ننګیال ویلي، دا کار ډېر سپک او د سختې غندنې وړ عمل دی.
په ټولنیزو رسنیو کې یوه ویډیو کې لیدل کېږي، چې باچاخان پوهنتون کې د فراغت مراسمو کې له یوې افغانې خپل ملي بیرغ اخیستل کېږي.
