د هند لومړي وزیر نریندرا مودي ویلي چې د کویټ له امیر شیخ مشعل الاحمد الجابر الصباح سره یې ټلیفوني خبرې کړې دي.
مودي ویلي، په دې خبرو کې د لوېدیځې اسیا د روان کړکېچ په اړه مفصل بحث شوی او د کویټ پر حاکمیت او ځمکنۍ بشپړتیا هر ډول بریدونه یې په کلکه غندلي دي.
د هند لومړي وزیر ټینګار کړی چې هېواد یې د سولې او ثبات د ژر بیا ټینګېدو لپاره د خبرو اترو او ډیپلوماسۍ ملاتړ کوي.
نوموړي همداراز په کویټ کې د مېشتې هندي ټولنې د خوندیتوب او هوساینې لپاره د کویټ د مشرتابه د دوامدارو هڅو ستاینه کړې ده.
