د لبنان پوځ اعلان کړی چې د دغه هېواد د پوځ قوماندان، رودولف هيکل پاکستان ته په رسمي سفر روان شوی دی.
د لبنان پوځ ویلي چې دا سفر د پاکستان د پوځ د لوی درستیز عاصم منير په بلنه ترسره کېږي.
تر اوسه د سفر د موخې او مودې په اړه نور جزییات نه دي خپاره شوي، خو دا سفر په داسې حال کې کېږي چې پاکستان د امریکا، اسرائیل او ایران ترمنځ د کړکېچ د کمولو لپاره د منځګړیتوب هڅې روانې ساتلې دي.
په ورته وخت کې د پاکستان د کورنیو چارو وزیر محسن نقوي هم ايران ته رسېدلی او هلته به له ایراني چارواکو سره خبرې وکړي.
