د امریکا د انرژۍ وزیر کریس رايټ ویلي چې د ایران له کړکېچ سره سره د هرمز تنګي له لارې د سمندري بېړیو تګ راتګ د پام وړ زیات شوی دی.
رایټ د اتلانتیک شورا په یوې غونډه کې څرګنده کړه چې د تېرو اوونیو په پرتله اوس ډېرې بېړۍ د دغه مهم نړیوال سمندري مسیر له لارې تېرېږي، که څه هم د سیمې امنیتي وضعیت له ننګونو سره مخ دی.
هغه زیاته کړه چې د انرژۍ د عادي لېږد بشپړ بېرته عادي کېدل به وخت ونیسي او ښايي د جګړې تر پای ته رسېدو وروسته هم څو میاشتې دوام وکړي.
