د جرمني حکومت نن د سېپټمبر اوله ۲۲ نور افغانان هم د یوې چارټر الوتنې له لارې له لایپزیګ/هاله هوايي ډګر کابل ته لېږلي دي.
د جرمني چارواکو په وینا، په دې ډله کې هغه کسان شامل وو چې د وتلو قانوني مکلفیت یې درلود او یو شمېر یې په بېلابېلو جرمونو محکوم شوي وو.
د معلوماتو له مخې، د اوسني حکومت د دورې له پیل راهیسې افغانستان ته د لېږل شویو افغانانو شمېر شاوخوا ۲۵۰ کسانو ته ورسېد.
جرمني په وروستیو میاشتو کې افغانستان ته په بېلابېلو جرمونو د تورنو افغانانو د بېرته ستنولو بهیر چټک کړی او ویلي یې دي چې دغه بهیر به دوام ولري.
