د افغانستان د کرېکټ الف لوبډله نن شنبه د درې اړخیزې سیالۍ په لړ کې له سریلانکا سره مخامخېږي.
دا لوبه به د افغانستان پر وخت د سهار په ۹ بجو پیل شي.
افغان لوبډلې د سیالیو په لومړي پړاو کې د هند الف لوبډلې ته ماتې ورکړه او د ډيایلاېس (DLS) قانون له مخې یې د څلورو منډو په توپیر بریا خپله کړه.
اوس افغان لوبغاړي هڅه کوي چې د سریلانکا پر وړاندې هم بریالي شي او په جدول کې خپل دریځ نور هم پیاوړی کړي.
